 |
| La nievi de marzu nel Jálama |
En los nuestrus pueblus no jué mucha la nievi que cayó, que no llegó ni a cuajal nel suelu. Peru las nuestras sierras sí que vierun neval abondu. Una nievi que, con el fríu los días que siguierun, dejó la nievi en los picus jasta la metá la sotra semana, y que jadrán que no falti l'agua esti añu.
Asina, esperandu que se jaga verdá'l refrán qu'idi esu de "añu de nievis, añu de bienis", l'Inviernu 2024 se despidió jasta'l mes de Diciembri.
El pasáu mes de Jebreru del añu 2024 se jidu en Villarrubias un descubrimientu arqueológicu bien importanti: una estela con grabáus en jorma d'hombri.
 |
| Ángel Justo Rubio, alcaldi de Villarrubias (isquierda) y José Luis Francisco, arqueólogu (derecha) |
La estela, encontrá mú cerquina'l lugal, es bien antigua, pos la jidun entri'l segundu y el tercel mileniu a.C. (alreol del añu 2.000 antis de Cristu). L'arqueólogu José Luis Francisco, el su descubriol, desprica que la estela mangurrina está jecha de granitu (piedra de la que hai bien abondu n'El Rebollal), con 1,52 m d'altu y grabáus lo mesmu pol delantri comu en los láus. Asina, pol delantri la piedra tieni grabáus la jorma d'un hombri con la cabeza y el cuerpu desapartáus, además d'otras cosas que muestran qu'era una presona emportanti, comu una "alabarda" (un arma que rebuja lanza y destral).
Esta estela es la segunda encontrá n'El Rebollal, dispués de la que s'encontró en Robrea nel añu 2009.
NOTA: afotu arrecogía de Noticias Ciudad Rodrigo
Noticia original de Noticias Ciudad Rodrigo: Gran Hallazgo Arquelógico en Villasrubias
VÍDEU con el alcaldi y l'arqueólogu mostrandu la estela de Villarrubias.
El pasáu 4 de Jebreru (domingu), el pueblu Navafrías golvió a vivil la su fiesta a la Santa Águeda.
 |
| Los "dos alcaldis" de Navafrías nel emprestáu del bastón de mandu |
Asina, a la mañana, l'alcaldi Navafrías, José Manuel Píriz, emprestó'l bastón de mandu a la qu'esti añu jué "alcaldesa pol un día", Agustina Navais, cosa que celebrarun echandu unus bailis en la Praza'l lugal, con la música de José Benito Mateos "Txebe", tamborileru de Peñaparda y Villarrubias.
En siguiendu con la compaña de la gaita y el tamboril, l'alcaldesa y demás mujeris del pueblu corrierun las callis del lugal, llevandu la fiesta a tolus rinconis de Navafrías.
Tampocu no faltarun la comía y la cena, que las águedas d'esti añu la jidun nel restauranti "Lucanus" de Navafrías, dondi estuvun comiendu alreol de 40 mujeris.
Pa rematal la fiesta, entri la comía y la cena tolas mujeris pudun bailal con la música la charanga "La Clave".
 |
| Comía nel "Lucanus" |
 |
| El restauranti llenu pa la comía las águedas |
 |
| Grabandu en Peñaparda |
 |
| Espingardas |
La hestoria pasa justu dispués de "la francesá", a primerus del sigru XIX, y tolus pueblus d'El Rebollal han síu "prató" de cini pa la película, pos dendi Robrea jasta Navafrías, en pasandu pol Payu, Villarrubias y Peñaparda, en tós cincu s'han grabáu cosinas.
"Pastoris" será la primera pelicula jecha en la nuestra palra d'El Rebollal. Aquí vos deju'l "tráiler".
 |
| Luminaria en Peñaparda |
 |
| La genti alreol la Luminaria, en Peñaparda |
 |
| Aprovechandu'l borraju la Luminaria |
 |
| La fiesta siguó'l domingu |
 |
| Bar Ramos |
Asina, el pueblu Peñaparda se quea (de momentu) con ná más qu'una taberna, "El Cruce".
Dend esti rinconinu les deseaus mucha suerti n'esti nuevu tiempu, lo mesmu a los que se van comu a los que se quean.
 |
| Don Manuel con el su libru |
Don Manuel jué, además, el qu'escribió'l libru alreol de Villarrubias, "Mis vacaciones en Villasrubias" ("Las mis vacancias en Villarrubias"), nel que contaba un poquinu la hestoria y la cultura del lugal, y más que ná, cómu profitaba de las sus vacancias nel pueblu. Un libru que presentó en Villarrubias nel mes de Juliu del añu 2011.
Dendi esti rinconinu, un recuerdu pa Don Manuel, Q.E.P.D. (Qu'en Pás Descansi)
