4 ene. 2012

La Tia Gora, de Peñaparda, jadi 107 añus

Gregoria Benito Rodríguez, la "Tia Gora" de Peñaparda, ha jechu esti miércolis 4 d'eneru los 107 añus.

Muchu tiempu ha pasáu dendi aquel 4 d'eneru del añu 1905 en que "Tia Gora" nació nel pueblu de Peñaparda. Ha vistu comu Reyis d'España a Alfonsu XIII y Juan Carlus I. Ha vistu passal una Guerra Civil, dos dictaduras, una República,... Le ha dáu tiempu a trabajal en Francia pa pagal la cassa andi vivi hogañu, a tenel un dagal caminu de Ciarrodrigu una vés que jué a lleval traviessas pa'l ferrocarril,...

En 107 añus le ha dáu tiempu tamién a sel famosa: ha salíu en tólus periódicus en papel de Salamanca. Ha salíu ena Telivisión de Ciarrodrigu, ena Telivisión de Salamanca, jasta ena Telivisión d'Asturies (nel programa qu'el "Camín de Cantares" dedicó a Peñaparda)...

"Tia Gora", a los 107 añus, entovía sigui tocandu el panderu cá véz que voi a vela y se lo llevu. Esti meyudía, cuandu juimus a felicitali el cumpriañus, se lo llevé (la afotu que pongu n'esti escritu es de hoi mesmu), y la "Tia Gora" apencipió a tocal y a cantal. Además, con el su humol y ena nuestra palra d'El Rebollal, idía que "el panderu no rugi" y que "la mi garganta ya no vali". Peru ¡vaya si vali!

Tia Gora, con 107 añus, tocandu el panderu
Hoi miércolis, que ha jechu los 107 añus, mucha genti ha pasáu a saludala y a felicitala. Y es que 107 añus no se jadin tólus días. ¡Feliciadis, Tia Gora!

4 comentarios:

  1. ¡ Feliz año, txebe y familia !
    Si es que como la Tía Gora ya van quedando pocas. Mirad a ver si os cuenta todo lo que se le ocurra que cuando muera habreis perdido en el pueblo una biblioteca viva como en la peli Farenhei 451 de François Truffeau.
    Abrazos

    ResponderEliminar
  2. Este comentario ha sido eliminado por el autor.

    ResponderEliminar
  3. Felicidades Tía Gora por su 107 aniversario.

    En nuestra lista española de personas mayores de 105 años la Tía Gora ocupa la posición número 43.

    http://segundacentena.blogspot.com/2012/01/2012-lista-de-personas-espanolas.html

    Emilio Ibáñez González.

    Investigador gerontológico aficionado.

    ResponderEliminar
  4. Pos muchas felicitacionis pa la tia Gora y nusotrus que lo veamus muchus añus mas

    ResponderEliminar