20 abr 2016

Las aguas d'abril enllenan ríus y regatus

El famosu refrán de "en abril, aguas mil" se está cumpriendu esti añu comu nunca ena nuestra comarca d'El Rebollal. Y es que, dendi que acabarun las celebracionis de Pascua, la lluvia no ha faltáu cuasi ningún día enos nuestrus pueblus.

Tóa esta agua caía (angunas vedis con muchu jostigu) ha jechu que las nuestras juentis, ríus y regatus se haigan enllenáu, y jasta se haigan salíu d'andi van siempri.

En Robrea, el regatu El Cañu, que pasa pola metá el lugal, se ha salíu y ha encharcáu tóa la Praza el Cañu. El día que más agua llevó jué el martis 19.

En Villarubias, el regatu el Cristu (el qu'está ala entrá del láu de Cáciris) tamién se salió, llegndu a tapal el charail de la Juenti el Gallu. Las sus aguas tamién juerun polus güertus del Barderón. El otru regatu, el del Valli la Cuesta (a la entrá en viniendu de Robrea), llegó a il tamién polus güertus. El regatu Manzanu, que cuasi tó'l añu está secu, hogañu lleva bien d'agua.

En Peñaparda, el ríu tamién se salió, tapandu güertus y pasileras.

Estas aguas d'Abril han síu, en cuasi tólus casus, bien caía, y a jechu que güelvan a manal juentis y maniantalis que s'habían ensecáu.

El regatu el Cristu y la Juenti el Gallu
(Villarrubias)
Ríu La Puenti (Peñaparda)



Pesquera de Riufríu

Regatu el Cañu (Robrea)

4 comentarios:

  1. Pos veloi habrá que dejala cael. Que remediu mos quea.El martis en desde luegu jidu el día completu.Pol los caminus hay que andal con cuidiau porque están llenus de tollerus, chapatalis y tortabobas,y pol menús de na,se enzanca unu hasta la gaja.

    ResponderEliminar
  2. Pos veloi habrá que dejala cael. Que remediu mos quea.El martis en desde luegu jidu el día completu.Pol los caminus hay que andal con cuidiau porque están llenus de tollerus, chapatalis y tortabobas,y pol menús de na,se enzanca unu hasta la gaja.

    ResponderEliminar
  3. Asina jadia lus inviernus cuandu era yo chicu

    ResponderEliminar
  4. Asina jadia lus inviernus cuandu era yo chicu

    ResponderEliminar