Los votus enas Generalis d'Abril 2019

El pasáu domingu, 28 d'Abril, juerun los Votus pa'l Congresu y el Senáu. Los pueblus d'El Rebollal, comu no puedi sel menus, tamién votarun, y asina jué comu lo jidun. Los votus pa'l Congresu juerun:

	Navafrías	Payu	Peñaparda	Robrea	Villarrubias		EL REBOLLAL
PSOE	130 (43,48%)	83 (37,39%)	86 (35,83%)	125 (38,46%)	62 (35,43%)		486 (38,27%)
PP	102 (34,11%)	60 (27,03%)	102 (42,50%)	97 (29,85%)	59 (33,71%)		420 (33,07%)
C’S	32 (10,70%)	41 (18,47%)	24 (10,00%)	46 (14,15%)	30 (17,14%)		173 (13,62%)
VOX	15 (5,02%)	31 (13,96%)	15 (6,25%)	31 (9,54%)	23 (13,14%)		115 (9,06%)
UP	16 (5,35%)	6 (2,70%)	8 (3,33%)	22 (6,77%)	1 (0,57%)		53 (4,17%)
PACMA	0	0	0	1 (0,31%)	0		1 (0,08%)
PREPAL	0	0	0	1 (0,31%)	0		1 (0,08%)
Recortes Cero	1 (0,33%)	0	0	0	0		1 (0,08%)
PCTE	1 (0,33%)	0	0	0	0		1 (0,08%)
Brancus	2 (0,67%)	1 (0,45%)	5 (2,08%)	2 (0,62%)	0		10 (0,79%)
Malus	0	2 (0,89%)	0	6 (1,81%)	1 (0,57%)		9 (0,71%)
TOTAL	299 (75,89%)	224 (70,66%)	240 (71,64%)	331 (76,98%)	176 (68,22%)		1.270 (73,24%)

Los votus pa'l Senáu juerun asina:

	Navafrías	Payu	Peñaparda	Robrea	Villarrubias		EL REBOLLAL
Elena Diego Castellanos (PSOE)	125	85	79	124	62		475
Francisco Díaz Muñoz (PSOE)	120	82	77	120	61		460
María Rosa Hernández Rubio (PSOE)	120	82	76	119	60		457
Bienvenido de Arriba Sánchez (PP)	98	66	103	112	69		448
Gonzalo Robles Orozco (PP)	93	63	97	105	66		424
Esther Basilia del Brío González (PP)	94	60	97	101	65		417
Manuel Morán González (C’s)	28	40	25	36	25		154
María Natalia del Arco Pozas (C’s)	29	38	22	33	23		145
Jerónimo Gamallo de Cabo (C’s)	26	35	21	27	22		131
Germán Torres Varas (VOX)	15	25	13	24	20		97
Rosa de Tavira Olías (VOX)	12	21	9	15	16		73
Genaro Luis García López (UP)	14	6	7	22	1		50
María Isabel López Blázquez (UP)	13	4	7	20	1		45
José Vicente Delgado (UP)	12	4	5	18	1		40
Juan Manuel Andrés López (PREPAL)	0	2	1	2	0		5
Miguel Ángel Diego Núñez (PREPAL)	0	1	2	1	0		4
Judit Rodá Panadés (PACMA)	2	1	0	0	0		3
Manuela Iglesias Carreño (PREPAL)	0	1	1	1	0		3
Mar Huilén Vial Chubarovski (PUM+J)	0	0	1	2	0		3
José Ramón Luna de María (Recortes Cero)	2	0	0	0	0		2
Brancus	15	3	16	10	4		48
Malus	6	5	5	11	2		29

Comu cosa curiosa, n'El Rebollal sacó más votus el PSOE (lo mesmu nel Congresu que nel Senáu), mientris que ena provincia jué el PP el que más votus tuvu. El repartu ena provincia Salamanca jué Congresu: 2 PP - 1 PSOE - 1 C'S   Senáu: 3 PP - 1 PSOE

PARTÍUS:

PSOE (Partíu Socialista Obreru Español)
PP (Partíu Populal)
C'S (Ciudadanus)
VOX (VOX)
UP (Uñías Podemus)
RECORTES CERO (Recortis Ceru - Grupu Verdi)
PREPAL (Partíu Regionalista el País Llionés)
PACMA (Partíu Animalista Contra el Mal Tratu a los Animalis)
PUM+J (Por un Mundu Más Justu)
PCTE (Partíu Comunista los Trabajaoris d'España)

Peñaparda güelvi a tenel tres baris

Los baris de la Praza

Dispués d'habelsi queáu, por dos mesis, con ná más que una taberna, el pueblu de Peñaparda güelvi a tenel tres baris al abrilsi, al apencipial el mes d'Abril, los dos que hai ena Praza: la "Taberna el Rincón" y el "Bar Ramos".

Estus dos baris de la Praza suman, con el bar "El Cruce", los tres con que hogañu puedil correl los peñaparderus.

El Rebollal estará presenti en los Votus del mes de Mayu

La comarca d'El Rebollal golverá a estal presenti en los Votus del mes de Mayu, nel que van a escogelsi los procuraoris a Cortis, además de a los alcaldis y justicialis de los pueblus.

Presentación de los candidatus

El "culpabri" será José Benito Mateos Pascual, "Txebe", que va comu primeru a las Cortis, ena provincia Salamanca, por el partíu Unión del Pueblo Leonés (UPL, Unión el Pueblu Llionés).

La presentación de los candidatus, lo mesmu pa las Cortis de C. y León comu pa'l ayuntamientu Salamanca, se jidu el pasáu sábadu 23 de Jebreru, nel hotel Rona Dalba de Salamanca.

Ena presentación estuvun, comu se ve ena afotu, José Benito Mateos (candidatu a Cortis), Carlos Javier Salgado (candidatu a alcaldi de Salamanca), Luis Mariano Santos (procuraol de UPL enas Cortis) y Julio Rivó (secretariu el partíu).

La palra d'El Rebollal, protagoniza el final del mes de Jebreru

Artículu de La Gaceta 1

La nuestra palra d'El Rebollal, el mó y manera que tenemus n'El Rebollal d'ussal la lengua leonesa, ha síu protagonista ena segunda metá el mes de Jebreru.

Apencipiandu polu primeru nel tiempu, el sábadu 16 de Jebreru el periódicu La Gaceta de Salamanca sacó un reportaji alreol de la nuestra palra, un reportaji de dos hojas, las mesmas que la matancia de Guijuelu (noticia patrociná) y sólu dos menus que el pregón de los Votus pa'l Congresu y el Senáu pa'l mes d'Abril. Estu muestra que, caicuandu, se la da a la nuestra palra algu de la emportancia que tieni.

Artículu de La Gaceta 2

Esti reportaji, y el qu'en él mentasin el peligru que corri la nuestra palra, jidu qu'el martis 26 de Jebreru, el PSOE (Partíu Socialista Obreru Español) presentasi ena Diputación de Salamanca una propuesta pa la defensa de la nuestra palra d'El Rebollal, propuesta que votarun a favol PSOE, C's (Ciudadanus) y Ganemos Salamanca (Ganemus Salamanca), peru que jué rechazá conus votus del PP (Partíu Populal), que tieni la mayoría de los deputáus provincialis. Curiosu rechazu, pos la Costitución, nel su artículu 3.3, idi que tós los mó y maneras de palral merecin especial respetu y proteición.

P'acabal, la nuestra palra tamién estuvu presenti el pasáu miércolis, 27 de Jebreru, ena presentación ena Cassa las Conchas de Salamanca, el libru "Aire, fuego y deseo" (Airi, fuegu y deséu), del poeta burgalés Juan Carlos García Hoyuelos. La nuestra palra estuvu presenti pol mé la puesía "Pol baju la tu alma de pájaru", tradución del poema "Debajo de tu alma de pájaro", jecha por José Benito Mateos Pascual "Txebe" (o sea, esti qu'escribi estas palabrinas). Además, el ya mentáu Txebe pusu tamién la música, con la gaita y el tamboril, el panderu (con el que cantó en la palra) y el adufe (con el que cantó en portugués, otra de las lenguas palrás en Salamanca). El Rebollal estuvu presenti tamién ena presona de Aída Acosta, navafrieña, que recitó otra de las puesías de Juan Carlos García Hoyuelos.

Hoyuelos (izq.) y Txebe (dcha)

Txebe con el panderu

Con éstu acabó esti mes de Jebreru, un mes nel que la nuestra palra d'El Rebollal jué protagonista.

Aída Acosta

NOTA: afotus de la Cassa las Conchas emprestás por Yago (Hoyuelos y Txebe), Juan Carlos García Hoyuelos (Aída) y por Aída Acosta (Txebe con el panderu)