La nievi se dio un paséu pola comarca d'El Rebollal

El picu Jálama neváu

      L'Inviernu ha veníu esti añu acomolgaítu de nievi, y en los mesis d'Eneru y Jebreru (más que á nel d'Eneru) son muchus los días qu'ha neváu, anque la nievi ha duráu pocu en la comarca pol mé'l calol que vinu adispués. Sí qu'aguantó un poquininu más en los picus más altus, comu'l Jálama o'l Podu Moru.

     Aquí vos dejamus angunas afotus de la nievi d'estus días, esperandu que se cumpra esu de que "añu de nievis, añu de bienis".

Nevandu en Peñaparda

Nievi en Payu

Nievi en Peñaparda

Bancu en metá la nievi

Nievi en Peñaparda (2)

El Podu Moru neváu

La nievi s'ansomó a los picus d'El Rebollal

     El pasáu 28 d'Eneru la nievi golvió a vesital la nuestra comarca d'El Rebollal, anque esta vés se queó en los picus más altus. 

El picu Jálama neváu

     Asina, amanecierun neváus los picus del Jálama, el Podu Moru y la Jañona, con una nievi que duró pocus días pol mé que jidu más calol los días que vinun adispués.

    Con tó y con esu, estas primeras nievis del añu juerun unas nievis mú bien recibías, de las qu'enllenan los maniantalis.

Eneru enllena las juentis

Ríu la Puenti, en Peñaparda

     El mes d'Eneru se despidió n'El Rebollal con abondu d'agua.

     Y es que, dendi'l domingu 19 jasta'l juevis 23, los días estuvun con mucha agua pol mé la borrasca Garoe, que dejó 71 l/m2 (litrus el metru cuadráu) en Robrea y 170 l/m2 en Navafrías, en siendu asina unu de los pueblus dondi más llovió de tó'l país. Los demás pueblus d'El Rebollal tamién tuvun un montonáu d'agua que, de seguru, estuvu pol cima los 100 litrus. 

Con esti agua ya han apencipiáu a correl tolus ríus y regatus, y s'han enllenáu las juentis y maniantalis.

NOTA: númerus arrecogíus de la página Meteo Ciudad Rodrigo

Llegarun las primeras nievis el añu 2018

El añu 2018 se ha estrenáu n'El Rebollal (y en cuasi tóa la provincia Salamanca) con nievi.

En total han síu dos los días que los rebollanus himus vistu la nievi: el sábadu 6 d'Eneru (día los Reyis) y el martis 8 d'Eneru.

Caminu el Charcu Palu (Payu)

La nievi caía no ha síu mucha, anque la justa pa pintal de brancu los tejáus de las cassas y las sierras y caminus. Enas sierras quiciás han podíu llegal a los cincu centímetrus de nievi.

Pol mé el agua caía dispués y a que ha jechu más calol, la nievi ha duráu pocu y ná más enos picus los montis se puedi vel entovía algu de brancu.

NOTA: Afotu de Payu emprestá por Verónica Mangas

Nievi nel Podu Moru (Villarrubias)

Tejáus neváus en Peñaparda

Los Reyis tamién vinun por El Rebollal

La nochi del 5 d'eneru tamién vinun Los Reyis por El Rebollal.

Los Reyis vinun en burru a Peñaparda

Los Reyis d'Orienti pasarun por tólus pueblus d'El Rebollal el juevis a la tardi dejandu angunus regalus a los dagalis. Pola nochi juerun dejandu, en cá cassa, los demás regalus que había pedíu los dagalinus.