Asina votarun los nuestrus pueblus en los Votus del 15 de Marzu del 2026

     El pasáu domingu, 15 de Marzu, juerun los Votus pa escogel los diputáus que van a representalmus en las Cortis autonómicas. En la provincia Salamanca s'escogían 10 diputáus, que se repartierun entri'l PP (5), el PSOE (3) y VOX (2), con la UPL de 4ª juerza en la provincia. 

Provincia Salamanca

    En la nuestra comarca, los votus juerun apaecíus a los que se jidun nel rest la provincia. Asina, los 4 primerus puestus juerun pa los mismus partíus y nel mesmu ordin: PP, PSOE, VOX y UPL. Entri los ganaoris en los pueblus, el PP ganó en Payu, Peñaparda y Villarrubias, y el PSOE en Navafrías y Robrea.

     Asina juerun los votus en la nuestra comarca d'El Rebollal.

	NAVAFRÍAS	PAYU	PEÑAPARDA	ROBREA	VILLARRUBIAS		TOTAL
PP	72 (34,95%)	63 (39,62%)	79 (46,19%)	97 (37,16)	59 (4,09%)		370 (41,25%)
PSOE	94 (45,63%)	60 (37,73)	61 (35,67%)	82 (31,41%)	36 (28,12%)		333 (37,12%)
VOX	31 (15,04%)	25 (15,72%)	16 (9,35%)	58 (22,22%)	29 (22,65%)		159 (17,73%)
UPL	0	5 (3,14%)	9 (5,26%)	12 (4,59%)	2 (1,56%)		28 (3,12%)
PODEMOS	0	1 (0,62%)	1 (0,58%)	6 (2,29%)	0		8 (0,89%)
IU	0	0	2 (1,16%)	1 (0,38%)	2 (1,56%)		5 (0,56%)
SALF	0	3 (1,88%)	0	2 (0,76%)	0		5 (0,56%)
PCTE	1 (0,48%)	0	1 (0,58%)	1 (0,38%)	0		3 (0,33%)
PACMA	2 (0,97%)	0	0	0	0		2 (0,22%)
EVA	1 (0,48%)	0	0	0	0		1 (0,11%)
BRANCUS	5 (2,42%)	2 (1,25%)	2 (1,16%)	2 (0,76%)	0		11 (1,23%)
MALUS	3 (1,43%)	0	4 (2,28%)	3 (1,13%)	0		10 (1,1%)
TOTAL	209 (64,70%)	159 (56,38%)	175 (61,83%)	264 (69,29%)	128 (61,24%)		907 (61,37%)

 

PP: Partíu Populal

PSOE: Partçiu Socialista Obreru Español

VOX: VOX

UPL: Uñión del Pueblu Leonés

PODEMOS: Podemus

IU: Isquierda Uñía

SALF: S’Acabó la Fiesta

PCTE: Partíu Comunista de los Trabajaoris d’España

PACMA: Partíu Contra’l Maltratu Animal

EVA: España Vadiá

NOTA: Númerus sacáus de la web de los Votus de la Junta

Eneru enllena las juentis

Ríu la Puenti, en Peñaparda

     El mes d'Eneru se despidió n'El Rebollal con abondu d'agua.

     Y es que, dendi'l domingu 19 jasta'l juevis 23, los días estuvun con mucha agua pol mé la borrasca Garoe, que dejó 71 l/m2 (litrus el metru cuadráu) en Robrea y 170 l/m2 en Navafrías, en siendu asina unu de los pueblus dondi más llovió de tó'l país. Los demás pueblus d'El Rebollal tamién tuvun un montonáu d'agua que, de seguru, estuvu pol cima los 100 litrus. 

Con esti agua ya han apencipiáu a correl tolus ríus y regatus, y s'han enllenáu las juentis y maniantalis.

NOTA: númerus arrecogíus de la página Meteo Ciudad Rodrigo

Peñaparda jidu la su Luminaria a San Sebastián

     El pueblu Peñaparda golvió, un añu más, a jadel la su Luminaria a San Sebastián, una tradición que vieni jadiédosi dendi mú antigu.

     Asina, los quintus de Peñaparda golvierun a chiscal la Luminaria, esa lumbri que se jadi en metá l'Inviernu pa espantal los malis y jadel arreculal la escuriá d'esti tiempu, n'una nochi que s'alargó jasta la mañana.

Anque no acabó ahí la fiesta pos, comu vieni siendu costumbri, las gentis del lugal aprovecharun el borraju la Luminaria pa seguil la fiesta y asal cosas a la lumbri, en sacandu asina una razón más pa estal uñíus n'esti día tan especial.

Con esta fiesta, los Quintus se despidin de sel quintus, pos ésta es la última fiesta que jadin comu quintus.

Tamién el pueblu Robrea vivió la su nochi'l fuegu, pos los quintus de Robrea jisun el su Capazu.

Ya están preparás las taramas

La Praza'l lugal esperandu la Luminaria

Ya está chiscá la Luminaria

La genti alreol de la Luminaria

Aprovechandu'l borraju

La mañana estuvu mú animá

VERANU 2024 (1): Los Sanjuanis dierun la bienvenía al Veranu

     El Veranu apencipió en la comarca d'El Rebollal con los tradicionalis "Sanjuanis", que se jadin en los pueblus de Navafrías, Payu y Robrea. 

Juenti Santa (Navafrías)
Afotu emprestá pol Tomás Acosta (Navafrías)

     Tós tres pueblus dierun la bienvenía al Veranu con unas fiestas acomolgaítas d'incierrus, capeas y verbenas, entri las que podemus mental (pol sel diferenti a las demás) el homenaji a la música los añus 80 que se jidu en Robrea pol mé'l grupu "Pandora". Tampocu no faltarun las diferentis misas y procesionis en honol al Santu, el 24 de Juniu.

     Entri las tradicionis d'esti tiempu y estas fiestas, qu'ajundin las sus raícis en tiempus antigus (milis d'añus), se jidun éstas: levantamientu la Viga y Capazu (Payu); levantamientu'l Pinu (Robrea); engalanal las Juentis y Foguera (Navafrías).

     Es curiosu que, en siendu'l Rebollal una comarca con una lengua propia, la palra d'El Rebollal, en ningunu de los pueblus l'haigan ussáu pa los cartelis de las Fiestas. Tamién es curiosu que, en siendu una comarca rica en istrumentus, trajis y bailis, el folclori tampocu no estuvu presenti.

     Asina, con los Sanjuanis, la nuestra comarca d'El Rebollal entró nel Veranu, un Veranu que, de seguru, tendrá fiestas abondu.

La Viga (Payu)

Homenaji a la música de los 80 (Robrea)

La genti en Robrea profitó de la música de los 80

El Pinu (Robrea)

Primavera 2024 (4): Asina votó'l Rebollal pa las Uropeas 2024

     El pasáu 9 de Juniu d'esti añu 2024, tolus uropeus escogimus a los deputáus que mos van a represental nel Parlamentu Uropéu pa los 5 añus que vienin. Al nuestru país, España, le tocaba escogel a 61 diputáus, que se repartierun asina:

PP: 22     PSOE: 20     VOX: 6     AHORA REPÚBLICAS: 3     SUMAR: 3     SALF: 3     PODEMOS: 2     JUNTS: 1     CEUS: 1

     N'El Rebollal tamién juimus a votal. El pueblu nel que más genti votó jué Robrea (220), anqu'en proporción se votó más en Peñaparda (56,2%). Pol contra, el pueblu nel que menus genti votó jué Villarrubias (119), anqu'en proporción andi menus se votó jué en Payu (51,37%). En tolus pueblus ganó'l PP, menus en Navafrías, que ganó'l PSOE.

Asina jué comu votamus n'El Rebollal.

	Navafrías	Payu	Peñaparda	Robrea	Villarrubias	TOTAL
PP	69 (30,2%)	73 (50,34%)	79 (48,46%)	90 (41,09%)	66 (52,88%)	377 (45,53%)
PSOE	86 (48,86%)	55 (37,93%)	62 (38,03%)	78 (35,61%)	40 (33,61%)	321 (38,77%)
VOX	11 (6,25%)	11 (7,58%)	12 (7,36%)	27 (12,32%)	11 (9,24%)	72 (8,70%)
PODEMOS	0	3 (2,06%)	0	9 (4,1%)	0	12 (1,45%)
SUMAR	5 (2,84%)	0	2 (1,22%)	3 (1,36%)	0	10 (1,21%)
SALF	0	2 (1,37%)	2 (1,22%)	3 (1,36%)	1 (0,84%)	8 (0,97%)
PREPAL	0	1 (0,68%)	2 (1,22%)	3 (1,36%)	1 (0,84%)	7 (0,85%)
C’s	1 (0,56%)	0	0	1 (0,45%)	0	2 (0,24%)
IZQESP	0	0	0	2 (0,91%)	0	2 (0,24%)
SAE	0	0	0	2 (0,91%)	0	2 (0,24%)
CEUS	1 (0,56%)	0	0	0	0	1 (0,12%)
FO	1 (0,56%)	0	0	0	0	1 (0,12%)
PMR	0	0	1 (0,61%)	0	0	1 (0,12%)
Brancus	2 (1,13%)	0	3 (1,84%)	1 (0,45%)	0	6 (0,72%)
Malus	1 (0,56%)	4 (2,68%)	0	1 (0,45%)	0	6 (0,72%)
TOTAL VOTUS	177 (53,47%)	149 (51,37%)	163 (56,21%)	220 (56,12%)	119 (52,88%)	828 (54,19%)
NO VOTARUN	154 (46,52%)	141 (48,62%)	127 (43,79%)	172 (43,87%)	106 (47,11%)	700 (45,81%)

 

PP: Partíu Populal

PSOE: Partíu Socialista Obreru Español

VOX: VOX

PODEMOS: PODEMUS

SUMAR: SUMAL

SALF: S’Acabó la Fiesta

PREPAL: Partíu Regionalista’l País Leonés

C’s: Ciudadanus

IZQESP: Isquierda Española

SAE: Soberanía Alimentaria Española

CEUS: Coalición pol una Uropa Solidaria (PNV, CC)

FO: Frenti Obreru

PMR: País y Movimientu Rural