Votus del 23 de Juliu n'El Rebollal

El pasáu domingu, 23 de Juliu del añu 2023, juerun los Votus en tó'l país pa escogel a los

Diputáus y Senaoris.

Vamus a vel cómu juerun los votus n'El Rebollal. 

CONGRESU

En los votus al Congresu, el PP (Partíu Populal) ganó en tolus pueblus, menus en Navafrías, dondi ganó el PSOE (Partíu Socialista Obreru Español).

	Navafrías	Payu	Peñaparda	Robrea	Villarrubias	TOTAL
PP	97 (39,59%)	109 (48,01%)	104 (46,22%)	125 (40,58%)	77 (48,42%)	512 (43,65%)
PSOE	123 (50,20%)	81 (35,68%)	94 (41,77%)	110 (35,71%)	51 (32,07%)	459 (39,13%)
VOX	17 (6,93%)	26 (11,45%)	16 (7,11%)	51 (16,55%)	29 (18,23%)	139 (11,85%)
SUMAR	5 (2,04%)	5 (2,20%)	6 (2,66%)	16 (5,19%)	2 (1,25%)	34 (2,90%)
PREPAL	0	1 (0,44%)	1 (0,44%)	3 (0,97%)	0	5 (0,43%)
EVA	1 (0,40%)	1 (0,44%)	0	0	0	2 (0,17%)
CJ	0	1 (0,44%)	0	0	0	1 (0,09%)
FO	0	0	0	1 (0,32%)	0	1 (0,90%)
Brancu	2 (0,80%)	3 (1,32%)	4 (1,77%)	2 (0,64%)	0	11 (0,93%)
Malus	2 (0,80%)	5 (2,15%)	0	2 (0,64%)	0	9 (0,76%)
TOTAL	247 (74,84%)	232 (74,35%)	225 (75,75%)	310 (77,11%)	159 (70,66%)	1.173

SENÁU

Tamién los candidatus del PP (Partíu Populal) al Senáu juerun los más votáus y, del mesmu mó y manera que pa'l Congresu, en Navafrías juerun los del PSOE (Partíu Socialista) los que más votus sacarun. N'el Senáu tenemus al únicu candidatu d'El Rebollal, Patricia Santamaría, pola UPL (Uñión el Pueblu Leonés), que jué la candidata más votá detrás de los partíus del Estáu. Asina juerun los votus:

	Navafrías	Payu	Peñaparda	Robrea	Villarrubias	TOTAL
Bienvenido de Arriba Sánchez (PP)	97	104	105	123	79	508
Gonzalo Jesús Morales Orozco (PP)	96	104	103	116	76	495
Esther Basilia del Brío González (PP)	93	102	102	122	76	495
Elena Diego Castellanos (PSOE)	124	73	84	112	53	446
Aquiles Magida Bizarro (PSOE)	120	74	83	110	50	437
Mª Soledad Álvarez Cascón (PSOE)	120	68	83	104	50	425
Mª Ángeles Carpio Pérez (VOX)	13	21	9	40	20	103
Javier Bernardo Teira Lafuente (VOX)	10	20	8	36	19	93
José Luis Rodríguez Martín (VOX)	9	20	7	35	17	88
Nuria Mª del Álamo Gómez (SUMAR)	4	6	4	17	2	33
Mª Carmen Díaz Serra (SUMAR)	4	6	4	10	1	27
Alejandro Álvarez García (SUMAR)	4	6	4	12	1	25
Patricia Santamaría Hernández (UPL)	0	6	9	6	2	23
Fco. Javier Recio Hernández (UPL)	0	3	3	6	0	12
Raúl Rodríguez Martín (UPL)	0	2	4	6	0	12
Ángel Manuel Montoro Sánchez (EVA)	2	3	0	3	1	9
Alexandra Mangas García (EVA)	2	2	0	2	0	6
Ángel Tomás Domínguez Domínguez (EVA)	2	2	0	1	0	5
José Manuel Andrés López (PREPAL)	0	1	1	2	0	4
Antonio Arturo Sieira Mucientes (PU+J)	0	3	0	1	0	4
Manuela Iglesias Carreño (PREPAL)	0	1	1	1	0	3
Julio Alberto Ceballo Sánchez (PACMA)	0	0	0	2	0	2
Antonio Bautista Nieto (PCTE)	0	0	0	1	0	1

PARTÍUS

PP     (Partíu Populal)

PSOE     (Partíu Socialista Obreru Español)

VOX     (VOX)

SUMAR     (Sumal)

UPL     (Uñión el Pueblu Leonés)

EVA     (España Vadiá)

PREPAL     (Partíu Regionalista el País Leonés)

PACMA     (Partíu los Animalis con el Mediu Ambienti)

CJ     (Agilandu Juntus)

FO     (Frenti Obreru)

PU+J     (Pol Un MUndu Más Justu)

PCTE     (Partíu Comunista los Trabajoris d'España)

El Rebollal tamién estará en los Votus del 23-J

Patricia Santamaría "Patri"
vestía de charru

 Esti domingu, 23 de Juliu, en toa España se van a jadel los Votus pa escogel a los diputáus y senaoris. 

La nuestra comarca d'El Rebollal tamién estará presenti en los Votus pol mé'l partíu UPL (Uñión el Pueblu Leonés), qu'en drentru las sus listas al Senáu lleva comu númeru 2 a una mujel, Patricia Santamaría Hernández, vedina de Peñaparda.

Candidatura de la UPL al Senáu

Conoci a los nuevus alcaldis d'El Rebollal (añu 2023)

El pasáu 28 de Mayu s'escogierun, en tó'l país, los nuevus alcaldis. N'El Rebollal, dispués de jadelsi los nuevus Ayuntamientus, el pasáu sábadu 17 de Juniu, éstus son los nuevus alcaldis d'El Rebollal.

José Manuel Píriz Seijo (Navafrías) 

Con 28 añus, ésti es l'alcaldi más nuevu d'El Rebollal. Anque hogañu vivi en Salamanca pol mé'l trabaju, siempri que puedi (cuasi tolus días) s'escapa al su pueblu, Navafrías. S'estrena comu alcaldi, anque ya había síu justicial, pol PSOE (Partíu Socialista Obreru Español) con muchas ganas e ilusión pol jadel cosas pol su pueblu.

Agapito Pascual Silva (Payu)

Con 73 añus, es unu de los pocus alcaldis d'El Rebollal que repitin nel puestu, nel que lleva dendi l'añu 2012, siempri en las listas del PSOE (Partíu Socialista Obreru Español). Dispués d'abril la residencia a finalis del añu 2022, lo que quieri jadel (sigún una entrevista en La Gaceta de Salamanca) es agrandal el depósitu l'agua, arregral la parti'l ríu y arregral callis que tienin falta.

Alicia Palos Ramos (Peñaparda)

La nueva alcaldesa de Peñaparda tieni 35 añus. Vivi a metá'l caminu entri Ciarrodrigu y Peñaparda, pos va y vieni tolus días. S'estrena comu alcaldesa pol nuevu partíu PPC (Peñaparda pol Cambiu), anque antis había síu justicial pol PP (Partíu Populal). Cogi'l puestu pa, en las sus palabras, tiral p'arriba'l pueblu. Comu curiosidá, es prima de Laura Ester Ramos, la portera de la seleición española de güatelpolu.

José Luis Varas Carballo (Robrea)

Con 55 añus, otru de los alcaldis que repitin es el de Robrea, el que más añus lleva nel puestu, pos entró d'alcaldi nel añu 2007 pol PSOE (Partíu Socialista Obreru Español), siendu unu de los "culpabris" de que los cartelis de Robrea estén en la palra d'El Rebollal. L'ojetivu sigui siendu que la genti se quedi a vivil nel lugal.

Ángel Justo Rubio Rubio (Villarrubias)

Otru de los que s'estrenan comu alcaldi nel su pueblu es Justo, de 66 añus, qu'ha salíu d'alcaldi pol PP (Partíu Populal). Se da'l casu de que, además de comu alcaldi, s'estrena tamién comu justicial. En viviendu en Villarrubias, quieri vel qué puedi jadel pol su pueblu.

NOTA. Afotus arrecogidas en:

- José Manuel Píriz Seijo. Facebook del PSOE de Navasfrías

- Agapito Pascual Silva. Periódico Salamanca RTV Al Día

- Alicia Palos Ramos. José Benito Mateos

- José Luis Varas Carballo. Periódico Salamanca24horas

- Ángel Justo Rubio Rubio. Facebook de Ángel Justo

San Silveriu dio la bienvenía al Veranu 2023

San Silveriu (20 de Juniu), patrón de Peñaparda, despidió la Primavera y dio la bienvenía al Veranu d'esti añu 2023. 

El Pinu los Quintus

Las Fiestas apencipiarun el viernis 16 de Juniu, cuandu los Quintus trujun el Pinu y lo pusun nel su lugal de siempri. A la nochi hubu una discu-móvil.

El sábadu 17 de Juniu, la mañana apencipió con el cambiu d'alcaldi (n'este casu, alcaldesa), en dejandu'l puestu Camila Vizarro en manus d'Alicia Palos, nueva alcaldesa de Peñaparda. En cuantis a la fiesta propia, a la mañana se jidu l'incierru de vaquillas polas callis del lugal. A la tardi jué la joricia, la capea tradicional, que tuvu de sel suspendía pol mé d'un acidenti del direutol de lidia. Y a la nochi, la genti bailó en la verbena cola música de la orquesta "MORODA".

El domingu 18 de Juniu, la fiesta continuó con el incierru de vaquillas a la mañana y la capea tradicional de la tardi (esta ya sin que pasasi ná del otru mundu).

Ya'l martis 20 de Juniu, el Día'l Santu, se jidu la misa al Santu y la procesión polas callis de Peñaparda. Los peñaparderus despedimus las nuestras fiestas de San Silveriu, qu'acabarun esa tardi con los juegus pa los dagalis.

Preparandu'l Pinu

Levantandu'l Pinu

Incierru'l sábadu

Capea'l sábadu

Incierru'l domingu

Cómu juerun los votus p'alcaldi n'El Rebollal

 El pasáu domingu, 28 de Mayu del 2023, juerun los Votus pa escogel a los alcaldis en tó'l país. Tamién, comu no podía sel menus, en la nuestra comaca d'El Rebollal. Asina juerun los votus en los nuestrus pueblus. 

Ilesia y pinu de Payu

Las letras y númerus qu'apaecin se léin asina:

PARTÍU   votus (tantu pol cientu)   númeru de justicialis

NAVAFRÍAS

PSOE     166 (58'65%)     4 
PP     116 (40'98%)     3
Brancus     1 (0,35%)
Malus     3 (1'04%)
TOTAL     286 (85'62%)

Navafrías múa la colol del su alcaldi, que golverá a sel del PSOE, con José Manuel Píriz

PAYU

PSOE     161 (63'88%)     5 
PP     85 (33'73%)     2
Brancus     6 (2,38%)
Malus     12 (4'54%)
TOTAL     264 (84'34%)

En Payu güelvi a ganal el PSOE. Seguirá comu alcaldi Agapito Pascual

PEÑAPARDA

PP     117 (44'65%)     3
PPC     95 (36'25%)     3
PSOE     48 (12'32%)     1
Brancu     2 (0'76%)
Malus     0
TOTAL     262 (87'62%)

Toítu pol sabelsi en Peñaparda dondi, en siendu'l PP el partíu más votáu, no ha sacáu abondu de votus pa tenel l'alcaldi. Es el únicu pueblu d'El Rebollal nel que habia tres partíus

ROBREA

PSOE     196 (60'68%)     4
PP     118 (36,53%)     3
Brancu     9 (2,78%)
Malus     4 (1,22%)
TOTAL     327 (80'54%)

En Robrea golverá a sel alcaldi José Luis Varas, con los cuatru justicialis qu'ha sacáu el PSOE. El 5º entovía no se sabi, pol mé un votu malu, que podía sel tamién del PSOE. Se sabrá n'unus días

VILLARRUBIAS

PP     125 (77'63%)     6
PSOE     33 (20'49%)     1
Brancu     3 (1'86%)
Malus     1 (1,22%)
TOTAL     163 (70'56%)

En Villarrubias güelvi a ganal el PP, anque habrá nuevu alcaldi pol mé que no se presentó el qu'estaba. Asina, el nuevu alcaldi será Ángel Justo Rubio

NOTA. Los nombris de los partíus son

PP   Partido Popular (Partíu Populal)
PSOE   Partido Socialista Obrero Español (Partíu Socialista Obreru Español)
PPC   Peñaparda por el Cambio (Peñaparda Pol Cambiu)

Tardíu 2022 (2): Payu ya tieni la su residencia

El pasáu 26 de Noviembri del 2022, Payu inauguró la su nueva residencia. 

Dispués d'añus d'obras (cuasi 30 añus), a la fin Payu ya tieni la su residencia, a la que se l'ha puestu'l nombri de "Jálama".

Esta residencia payenga, en la que puedin vivil jasta 24 presonas, podemus encontrala en metá'l lugal, en siendu la cassa más grandi'l pueblu. Ha costáu jadela alreol de 1,2 millonis d'eurus, de los que 250.000 los ha puestu ADECOCIR (Asociación pa'l Desarrollu la Comarca Ciarrodrigu).

Asina, dendi'l 1 de Dicimbri, Payu ya tieni abierta y furrulandu la su residencia.

Residencia dendi la Calli'l Castillu

Entrá de la residencia de Payu