 |
| Peñaparda |
 |
| Peñaparda, una hora dispués |
19 dic 2014
Semana de niebra n'El Rebollal
La tercera semana de diciembri ha síu la semana más fría n'El Rebollal pol mé las niebras. Jasta angún día no ha levantáu la niebra, asina que estus días ha jechu más fríu que ningunu en lo que va del Tardíu.
2 dic 2014
El Rebollal sin lús
El pasáu viernis 28 de noviembri la comarca d'El Rebollal golvió a quealsi sin lús.
Pol mé la aguarrá y el airi que jidu la madrugá del juevis al viernis, se jué la lús en tó'l Rebollal unus minutinus dispués de las 6 de la mañana.
Alreol de las 8 y media golvió la lús a Robrea, Villarrubias y Peñaparda. Payu y Navafrías no tuvun lús jasta passáu el meyudía, en llegandu a las 2 de la tardi.
27 nov 2014
Se jidu la V Fiesta el Tardíu
El pasáu sábadu 22 de noviembri se jidu en Robrea la V Fiesta el Tardíu, un "rendez-vous" que, pol mé de dal la bienvenía al Tardíu, ajunta n'El Rebollal a un montonáu de gentis del folclori y la música tradicional de la provincia de Salamanca.
Asina, esti añu han cenáu alreol de 50 presonas, con una comía de bacaláu, carni assá, nícalus,... Las tonás de siempri se pudun oyel ya mientris la cena, tonás comu la "Calli de la Botica" y otras muchas.
Dispués de la cena se pudun oyel sonis tocáus polus tamborilerus veníus dendi Salamanca, Ciarrodrigu, Guinaldu, Bodón, Robrea, Peñaparda,... Acompañáus de panderetas, castañuelas, guitarra y jasta una gaita gallega. Tamién se pudun oyel los sonis de la sartén de Payu. No faltarun los bailaoris, veníus además dendi pueblus comu Vitigudinu, Bogaju, Saúgu, Barruecupardu,...
La palra d'El Rebollal tamién estuvu presenti ena Fiesta el Tardíu, apencipiandu por el mesmu nombri de la fiesta, siguiendu polus cartelis y por angunas cancionis ena Palra comu "Que rompan la Jessa Arriba".
Esta bienvenía al Tardíu jadi la númeru 5, dendi aquella primera del añu 2009.
 |
| Cartel de la V Fiesta el Tardíu |
Asina, esti añu han cenáu alreol de 50 presonas, con una comía de bacaláu, carni assá, nícalus,... Las tonás de siempri se pudun oyel ya mientris la cena, tonás comu la "Calli de la Botica" y otras muchas.
Dispués de la cena se pudun oyel sonis tocáus polus tamborilerus veníus dendi Salamanca, Ciarrodrigu, Guinaldu, Bodón, Robrea, Peñaparda,... Acompañáus de panderetas, castañuelas, guitarra y jasta una gaita gallega. Tamién se pudun oyel los sonis de la sartén de Payu. No faltarun los bailaoris, veníus además dendi pueblus comu Vitigudinu, Bogaju, Saúgu, Barruecupardu,...
 |
| Momentu del baili |
 |
| Sentáus a la mesa pa cenal |
Esta bienvenía al Tardíu jadi la númeru 5, dendi aquella primera del añu 2009.
16 nov 2014
Cochis antigus por El Rebollal
La III Clásica Jurdis - Sierra de Gata, que jué entri los días 15 y 16 de Noviembri, passó polus pueblus d'El Rebollal.
En saliendu de Las Jurdis, alreol de las 2 de la tardi passarun estus cochis antigus polus nuestrus pueblus. Robrea, Villarrubias, Peñaparda y Payu vierun passal cochis de carreras antigus comu Porsche 911, Ford Capri, Ford Fiesta, Toyota Celica,...
La noticia de la carrera salió tamién nel parti el meyudía del sábadu ena teli d'Estremaúra.
En saliendu de Las Jurdis, alreol de las 2 de la tardi passarun estus cochis antigus polus nuestrus pueblus. Robrea, Villarrubias, Peñaparda y Payu vierun passal cochis de carreras antigus comu Porsche 911, Ford Capri, Ford Fiesta, Toyota Celica,...
La noticia de la carrera salió tamién nel parti el meyudía del sábadu ena teli d'Estremaúra.
 |
| Cochis antigus passandu por Peñaparda |
12 ene 2014
Los Reyis Magus pasarun por El Rebollal
 |
| Lo Reyis en Peñaparda |
Los Reyis Magus d'Orienti pasarun pola nuestra comarca d'El Rebollal en su viaji alreol el mundu, parandu en tólus pueblus y dejandu regalus a los dagalis.
11 ene 2014
La Tia Gora jadi 109 añus
El pasáu sábadu 4 d'eneru la Tia Gora jidu 109 añus.
 |
| La Tia Gora tocandu el panderu. Eneru 2014 |
Gregoria Benito Rodríguez, la Tia Gora de Peñaparda, nació en Peñaparda el 4 d'eneru del añu 1905. Anque ya no sali a paseal a la calli comu antañu (los sus ojus no le dejan), entovía se la puedi oyel cantal a las mañanas y, si tieni un panderu a manu, tocal y cantal unus sonis.
Con 109 añus, la Tia Gora es la mujel más vieja de tóa la provincia de Salamanca y una de las más viejas d'España. Se da el casu de que la segunda mujel más vieja de Salamanca tamién es de Peñaparda, la Tia Lonisia "Cabrera", que jadrá 108 nel mes de juniu.
Suscribirse a:
Entradas (Atom)