Robrea jidu la Fiesta de la Mancomunidá

Cuartu de Robrea

El pasáu domingu, 28 de Juliu de 2019, el pueblu de Robrea jidu la Fiesta de la Mancomunidá, que tólus añus se jadi en unu de los pueblus qu'están en drentru la Mancomunidad Alto Águeda (Mancomunidá Altu Águeda). Esti añu, en drentru la fiesta, jué la XVII Feria d'Artesanía y de Negocius, y la X Muestra de Ganáu.

Tenderil de mantas de Bodón

La Fiesta la Mancomunidá apencipió al meyudía el domingu, con la chalra los alcaldis y el presidenti la Mancomunidá pa seguil, adispués, con la Feria d'Artesanía y la Muestra de Ganáu, qu'estuvun tó'l día. Tamién a la mañana, el grupu "El Fandangu" de Robrea jidu una muestra de los sus bailis y los sus sonis tradicinalis.

Tenderilis ena Calli Larga

Ya a la tardi, además de juegus pa los dagalis y un burru-taxi, tampocu no faltarun los bailis, esta vés pol mé el grupu de Torrejoncillu (Cáciris), que afechó el día de fiesta con los sus bailis.

Tamién se pudun vel angunas muestras, comu la de trajis de charru nel bar de la Encarni, o la muestra d'afotus antiguas y del trabaju del bercéu, nel salón el Cuartu.

Pa'l sotru añu la Fiesta la Mancomunidá se jadrá nel pueblu de Saúgu, pueblu vedinu d'El Rebollal.

Puestu de cosas jechas con barru

Muestra de trajis de charru

Gorra y otras cosinas jechas de bercéu

Muestra de ganáu

Grupu de Torrejoncillu

Muestra d'afotus antiguas

Genti viendu los bailis estremeñus
ena Praza la Costitución

El Panderu llegó al númeru XX

Los pasáus 26 y 27 de Juliu (viernis y sábadu) Peñaparda celebró la su Fiesta el Panderu Cuadráu, qu'esti añu 2019 llegó al númeru XX.

Pasacallis

Presentación del libru

El viernis 26 se presentó el libru "Tesoro de Tradiciones de Peñaparda", escritu por el etnógrafu José Manuel Fraile Gil, libru que vieni cona compaña d'un CD con más de 80 tonás tradicionalis del lugal. Ese mesmu viernis, se le entregó el "Panderu d'Honol" al folclorista Ismael Peña.

El sábadu 27 jué el festival folclóricu, qu'esti añu contó con el grupu de Peñaparda (dagalis y mayoris), el Ofretoriu y la compaña del grupu gallegu "Donaire", de La Coruña. A la mañana se jidu el mercáu. La tardi apencipió con unus bailis a los mayoris de la Residencia, seguíu del tradicional pasacallis y, adispués, los bailis del grupu de dagalis, el ofretoriu, el grupu "Donaire" y el grupu de Peñaparda. A la nochi, la fiesta terminó con el grupu gallegu "Donaire".

NOTA: afotus emprestás por Rubén Mateos (Peñaparda)

Ismael Peña, Panderu d'Honol 2019

Tenderilis del mercáu

Pasacallis con el grupu "Donaire"

Grupu de dagalas de Peñaparda

Grupu "Donaire" bailandu

Otru baili del grupu "Donaire"

Bailaoras del Ofretoriu

Grupu de Peñaparda

Grupu "Donaire" a la nochi

Fin de fiesta con el grupu "Donaire"

Peñaparda tieni un nuevu libru

Portá del libru

El pueblu de Peñaparda ya tieni un nuevu libru alreol, esta vés alreol de las sus tradicionis.

Con el nombri de "Tesoro de tradiciones. Peñaparda (Salamanca)", el escritol, José Manuel Fraile Gil, corri las tradicionis musicalis el pueblu de Peñaparda, arrecogiendu los sonis y tonás antiguas, qu'el autol llevaba arrecogiendu nel lugal dendi los añus 80 el sigru XX. Asina, en áina 400 páginas, Fraile escribi los sonis y romancis arrecogíus a las mujeris que, nel sigru pasáu juerun las últimas de las tocaoras antiguas, de las que poni afotus. Esu, sin olvial a las nuevas pandereras, que tamién tienin un rinconinu enas hojinas el libru.

Momentu de la presentación

Presentáu en Peñaparda por el su autol el pasáu viernis, 26 de Juliu, en drentru la XX Fiesta el Panderu, el libru vieni cona compaña de un CD nel que puedin oyelsi 86 cancionis, romancis y cuentus. Un CD nel que, anqu'el panderu es protagonista, tampocu no faltan la gaita y el tamboril, o las vocis d'aquellus hombris y mujeris que mos dejarun, comu el nombri el libru mos idi, un tesoru de tradicionis en mó y manera de ajecháus, salteáus, corríus, jotas, ofretorius, pasacallis, romancis, copras, cuentus,... Y la palra d'El Rebollal, que tamién tieni un rinconinu bien importanti nel libru.

Nel libru, además de las gentis de Peñaparda, han ayuáu el Ayuntamientu de Peñaparda, la Diputación de Salamanca, el Instituto de la Identidades de Salamanca y la Cátedra de Estudios Leoneses.

NOTA: afotu de la presentación emprestá por Rubén Mateos (Peñaparda)

Las bicis enllenarun de coloris los caminus de Payu

Corriendu polus caminus

El pasáu domingu, 21 de Juliu, las bicis y correoris golvierun a enllenar las callis y caminus de Payu, ena que ya jadi la quinta carrera de bicis de montaña, que se corrió con el nombri "V Xálima Trail Running & BTT".

Organizá por genti del lugal y cona ayúa el Ayuntamientu de Payu, en total juerun 250 presonas las que s'apuntarun a correl en bici y a pié, lo que dió un montonáu de vía y coloríu a las callis de Payu.

Apencipiandu la carrera

Ena carrera en bici se corrierun 40 km. De los hombris, el más ligieru jué Alejandro Rodríguez, de Mirobike (Ciarrodrigu). De las mujeris, Vanessa Amaro, de La Casa de las Bicis (La Bañeza).

En cuantis a la carrera a pié, hubu dos carreras, una de 7 kilómetrus y otra de 20 kilómetrus. La de 7 la ganarun Ángel Gutiérrez y Hortensia Hernández. La carrera carrera larga jué para Álvaro Ramos y María Gómez.

NOTA: afotus emprestás por Unai Pintado (Payu)

Los Sanjuanis 2019 vinun con agua

La viga y el campanariu la ilesia de Payu

Juntu a San Silveriu (Peñaparda), juerun tres los pueblus d'El Rebollal que dierun la bienvenía al Veranu con las sus fiestas, los Sanjuanis: Navafrías, Payu y Robrea. Asina, las fiestas el Solsticiu de Veranu trujun 11.4 l/m2 (litrus el metru cuadráu, sigún la AEMET, Agencia Estatal de Meteorología), aguas que jidun que la paella de Robrea la tuviesin del jadel baju tejáu.

Los Sanjuanis vinun, enos tres pueblus, con cosas apaecías. Asina, en ningunu faltarun, el 24 de Juniu, la misa en honol al Santu (San Juan), juntu a las procesionis que (polu menus en Payu) tuvun de sel más cortas pol mé'l agua. Tampocu no faltarun las vaquis conus incierrus a caballu y las capeas. Y tampocu no faltarun las verbenas a la nochi y los juegus pa los dagalis.

Procesión en Payu

Las tradicionis estuvun representás pol mé el levantamientu la Viga (Payu) o el Pinu (Robrea). Tampocu no faltó el fuegu, con el Capazu (Payu) y la Foguera San Juan (Navafrías), o el agua con el ritu las sieti juentis.

La música tradicional la pusun en Payu, andi José Benito Mateos "Txebe" animó, cona su gaita y tamboril, el conviti que se jidu dispués de la misa al Santu.

Con estus Sanjuanis, El Rebollal pasa las sus fiestas de bienvenía al Veranu, dejandu las de Villarrubias (Santu Ferinu, 26 d'Agostu) comu las únicas patronalis por celebral, en esti casu de despedía el Veranu y bienvenía al Tardíu.

NOTA: tóas las afotus son de los Sanjuanis de Payu. L'afotu de "Txebe" tocandu nel conviti la jiduSara Bayón (Payu)

"Txebe" tocandu nel conviti

Conviti en Payu

San Silveriu dió la bienvenía al Veranu 2019

El pueblu de Peñaparda dió la bienvenía al Veranu con las sus fiestas de San Silveriu.

Procesión de San Silveriu

Las fiestas apencipiarun el juevis, 20 de Juniu, justu el día'l Santu, cona misa en honol a San Silveriu, seguía pola procesión del Santu polas callis del lugal. A la tardi, los dagalis pudun juegal con juegus tradicionalis.

Ya el viernis, 21 de Juniu, los quintus trujun y pusun el pinu, cona compaña de la genti del pueblu y la música d'una charanga. Tampocu no faltó el repartu de limoná. A la nochi la genti pudu bailal con una discu-móvil.

Levantandu el pinu los quintus

El sábadu, 22 de Juniu, jué el día las vaquis. Asina, a la mañana se jidu el incierru polas callis del lugal y, a la tardi, la capea tradicional ena Praza. Ya a la nochi, la verbena se jidu con el grupu "Fitomanía", que tocó sonis del grupu "Fito y los Fitipaldis". Adispués, otra discu-móvil jidu bailal a la genti.

Momentu el incierru

Las vaquis nel incierru

Pa acabal, el domingu 23 de Juniu las fiestas acabarun con juegus pa los dagalis: el castillu jincháu y el tren.

La música tradicional (con gaita y tamboril) la pusun, pola su cuenta, José Benito Mateos "Txebe", que tocó la Alborá el Día'l Santu, y Macías el de la Juana, que tocó cuandu trujun el pinu.

La genti nel tiempu la capea

Capea alreol el charail

Castillu jincháu

Tren pa los dagalis

Las Fiestas 2019 n'El Rebollal

Comu tólus añus, la nuestra comarca d'El Rebollal va a dal la bienvenía al Veranu con fiestas en cuasi tólus pueblus, apencipiandu el juevis 20 de Juniu (San Silveru, Peñaparda) y acabandu el lunis 24 de Juniu (Sanjuanis, Navafrías, Payu y Robrea).

El calandariu ha jechu qu'esti añu tólus pueblus jagan las sus fiestas a la mesma vés. Aquí vos deju los programas d'esti añu. ¡FELICIS FIESTAS! ¡FELÍS VERANU!

PEÑAPARDA 

San Silveriu 2019
Peñaparda

Juevis 20 de Juniu

12:00 Misa
18:00 Juegus tradicionalis pa los dagalis

Viernis 21 de Juniu

20:00 Levantamientu el pinu polus Quintus, animáu pola charanga "La Escala"
23:00 Música con DJ Pablo del Castillo

Sábado 22 de Juniu

12:00 Incierru polas callis del lugal
18:30 Capea
23:00 Música homenaji a "Fito y los Fitipaldis" con "Fitomanía". Adispuçes, Discomóvil Trópico

Domingu 23 de Juniu

17:00 Juegus pa los dagalis (tren, castillu,...)


ROBREA 

Sanjuanis 2019
Robrea

Viernis 21 de Juniu

20:00 Levantamientu el Pinu polus Quintus

Sábadu 22 de Juniu

12:00 Incierru a caballu
16:00 Juegus pa los dagalis nel frontón
00:00 Verbena cona orquesta "Nexia"

Domingu 23 de Juniu

12:00 Pasacallis cona charanga "La Escala"
18:30 Capea
00:00 Verbena cona orquesta "Denver"

Lunis 24 de Juniu

12:00 Misa a San Juan
14:00 Paella pa tóa la genti


PAYU 

Sanjuanis 2019
Payu

Viernis 21 de Juniu

20:00 Levantamientu la Viga
23:00 Capazu
23:30 Discu-móvil

Sábadu 22 de Juniu

13:00 Incierru polas callis el lugal
18:30 Capea
23:00 Verbena

Domingu 23 de Juniu

11:00 Festival pa los dagalis

Lunis 24 de Juniu

11:00 Misa a San Juan
12:00 Vinu-conviti pa tóa la genti


NAVAFRÍAS 

Sanjuanis 2019
Navafrías

Viernis 21 de Juniu

18:30 Carretonis (torus de mentira)
20:00 Pregón
23:30 Discu-móvil

Sábadu 22 de Juniu

12:00 Incierru a caballu
18:00 Capea animá cona charanga "Los despistaos"
23:00 Verbena con "Max Music Show"

Domingu 23 de Juniu

12:00 Incierru a aballu
18:00 Capea animá pola charanga "Los despistaos"
23:00 Foguera de San Juan

Lunis 24 de Juniu

12:00 Misa a San Juan
16:30 Juegus pa los dagalis (tren, castillu,...)