Tardíu 2023 (3): Los "1000 Otoños" vinun a Payu

 El pasáu 25 de Noviembri del 2023, el programa "1000 Otoños en Salamanca" (1000 Tardíus en Salamanca) visitarun el pueblu de Payu. 

La Puenti'l Gas, en Payu

El programa, patrocináu pola Diputación de Salamanca, jidu la su primera pará en Payu.

El día apencipió con la llegá de los vesitantis que, adispués de las presentacionis, salierun al campu a jongus, que jué'l tema escogíu pa esta vesita.

Adispués, la genti pudu jadel una vesita al lugal y, antis de la comía, hubu una chalra alreol de los jongus arrecogíus.

Ya dispués de comel, hubu una chalra-conciertu alreol de la nuestra palra d'El Rebollal jecha pol José Benito Mateos Pascual "Txebe" (esti que vos palra).

En las cosas que se jidun estuvun alreol de 40 presonas, venías dendi tolus rinconis de la provincia Salamanca.

Momentu de la comía

El Rebollal, en drentru las propuestas de la UPL pa los Votus del 10-N

La nuestra comarca d'El Rebollal estará presenti enos Votus del 10 de Noviembri tamién enas propuestas de los partíus, esta vés de la manu de la UPL (Uñión el Pueblu Lliones).

Cartelinu de los caminus de Robrea

Y es que son varias las propuestas enas que la nuestra comarca d'El Rebollal sali mentáu y beneficiáu. Entre las más emportantis, UPL pidi una salía de la autovía a la carretera C-526 (Ciarrodrigu-Coria), pa que la nuestra genti no tenga de pasal pol metá Ciarrodrigu pa il a Salamanca.

Otra de las propuestas de la UPL que sería güena pa la nuestra tierra es la de jadel un hospital comarcal en Ciarrodrigu. Y es que, agora mesmu, tólus pueblus d'El Rebollal estamus a más de 100 km del hospital que mos toca, el de Salamanca.

Por último, nel apartáu de "Cultura", la UPL mienta la defensa de la nuestra palra d'El Rebollal, el nuestru mó y manera d'ussal la lengua leonesa.

Asina, la nuestra comarca d'El Rebollal estará presenti en los votus del 10-N d'un mó y manera dobri: pol mé el José Benito Mateos Pascual "TXEBE", candidatu al Senáu pola UPL, y polas propuestas que tienin de vel con la nuestra tierra, tamién de la UPL.

Dibuju de la UPL

José Benito Mateos Pascual
candidatu al Senáu pola UPL

Los Votus pa las Cortis n'El Rebollal (añu 2019)

El pasáu domingu 26 de Mayu, además de jadelsi los votus pa escogel alcaldis y justicialis, se jidun tamién los votus pa escogel a los nuestrus representantis enas Cortis de C. y Llión, votus enos que había representacion d'El Rebollal pol mé el tamborileru José Benito Mateos Pascual, "Txebe", qu'era el primeru ena lista de UPL (Uñión el Pueblu Llionés).

Los votus, con un censu total de 1.728 presonas, se repartierun asina n'El Rebollal.

	Navafrías	Payu	Peñaparda	Robrea	Villarrubias		EL REBOLLAL
PP	141 (43,65%)	77 (30,80%)	122 (51,05%)	104 (31,61%)	112 (58,64%)		556 (39,94%)
PSOE	138 (42,72%)	119 (47,60%)	87 (36,40%)	158 (48,02%)	53 (27,75%)		555 (39,87%)
C’S	23 (7,12%)	32 (12,80%)	13 (5,44%)	41 (12,46%)	11 (5,76%)		161 (11,57%)
VOX	7 (2,17%)	13 (5,20%)	4 (1,67%)	7 (2,13%)	5 (2,62%)		36 (2,59%)
UPL	1 (0,31%)	3 (1,20%)	8 (3,35%)	2 (0,61%)	8 (4,19%)		22 (1,58%)
Podemos	4 (1,24%)	5 (2,00%)	0	10 (3,04%)	0		19 (1,37%)
IU	5 (1,55%)	1 (0,40%)	2 (0,84%)	3 (0,91%)	0		11 (0,79%)
PACMA	1 (0,31%)	0	0	0	0		1 (0,07%)
PREPAL	0	0	0	1 (0,30%)	0		1 (0,07%)
Brancus	3 (0,93%)	0	3 (1,26%)	3 (0,91%)	2 (1,05%)		11 (0,79%)
Malus	4 (1,42%)	0	6 (2,56%)	5 (1,50%)	4 (2,05%)		19 (1,36%)
TOTAL	327 (83,21%)	250 (79,11%)	242 (72,67%)	334 (77,67%)	195 (76,17%)		1.392 (80,56%)

La lista de los partíus es:

PP: Partíu Populal
PSOE: Partíu Socialista Obreru Español
C's: Ciudadanus
VOX: VOX
UPL: Uñión el Pueblu Llionés
PODEMOS: Podemus
IU: Izquierda Uñía
PACMA: Partíu Contra el Maltratu a los Animalis
PREPAL: (Partíu Regionalista el País Llionés)

El Rebollal estará presenti en los Votus del mes de Mayu

La comarca d'El Rebollal golverá a estal presenti en los Votus del mes de Mayu, nel que van a escogelsi los procuraoris a Cortis, además de a los alcaldis y justicialis de los pueblus.

Presentación de los candidatus

El "culpabri" será José Benito Mateos Pascual, "Txebe", que va comu primeru a las Cortis, ena provincia Salamanca, por el partíu Unión del Pueblo Leonés (UPL, Unión el Pueblu Llionés).

La presentación de los candidatus, lo mesmu pa las Cortis de C. y León comu pa'l ayuntamientu Salamanca, se jidu el pasáu sábadu 23 de Jebreru, nel hotel Rona Dalba de Salamanca.

Ena presentación estuvun, comu se ve ena afotu, José Benito Mateos (candidatu a Cortis), Carlos Javier Salgado (candidatu a alcaldi de Salamanca), Luis Mariano Santos (procuraol de UPL enas Cortis) y Julio Rivó (secretariu el partíu).

La palra d'El Rebollal, otra vés enas Cortis

Sieti añus dispués, la nuestra palra d'El Rebollal va a sel mentá enas Cortis de C. y León. Esta vés, pol mé una "enmienda" a los dinerus autonómicus.

Cartel ena palra d'El Rebollal, en Robrea

Pol mé'l acuerdu que han jechu el grupu CCRL (Ciudadanus el Reinu de Llión) y el partíu UPL (Uñión el Pueblu Llïonés), el procuraol enas Cortis por UPL, Luis Mariano Santos, ha presentáu una "enmienda" a los dinerus para que, d'ellus, 50.000 € (cincuenta mil eurus) sean dedicáus a jadel material pa que la genti aprienda las dos palras llïonesas que mejol se conservan ena provinca de Salamanca: la nuestra palra d'El Rebollal y la palra de Las Arribis. D'esti mó y manera, se jadrían librus, vídeus,... pa apriendel dambas dos palras cogiendu comu muestra los estudius de Ángel Iglesias Ovejero (pola palra d'El Rebollal) y Llorente Maldonado (pa la palra de Las Arribis).

Los 50.000 eurus se repartirían entri los materialis pa dambas dos comarcas, y habría otrus 50.000 pa'l sotru añu pa'l mesmu serviciu. Y es que, el podel apriendel dambas palras llïonesas enas escuelas con güen material es algu prencipal pa que puedan seguil vivas.

Asina, pol mé los dinerus de l'autonomía, la nuestra palra va a golvel a estal enas Cortis. Lejus quéa ya aquel 26 de Mayu del 2010 cuandu, pa la PNL (Proposición No de Lei) en defensa de la lengua llïonesa, el procuraol del PSOE (Partíu Socialista Obreru Español) José Ignacio Martín Benito (nacíu en La Encina) leyó una parti el poema "Jálama", escritu ena palra d'El Rebollal por José Benito Mateos Pascual.

José Benito deja el PREPAL

José Benito Mateos Pascual deja el PREPAL (Partíu Regionalista el País Llïonés). Sigún idi, es pol mé la falta de futuru y confianza nel partíu, atrasáu nel mó y manera de jadel las cossas y paráu cuasi jasta el tiempu los votus. Asina, esti mes de setiembri decidió dejal el partíu.

José Benitu ha síu candatu al Senáu y a las Cortis de C. y León dendi’l añu 2004. Los sus mejoris resultáus juerun los 729 votus pal Senáu nel añu 2012, y los 628 votus pa las Cortis del añu 2011.

Las vocis d'El Rebollal para los Votus del 20-D

El 20 de Diciembri, tamién la comarca d’El Rebollal va a estal representá en los Votus. Vos presentamus a los candidatus que, n’estus votus, son las vocis d’El Rebollal. Comu cosa curiosa, idil que dambus dos son candidatus al Senáu (papeleta colol naranja).

Susana Luengo Gallego (PODEMOS)

Susana Luengo Gallego
(PODEMOS)

De 44 añus, esta nieta y sobrina de robreanus es licenciá en Ciencias Políticas, con posgráu en Humanidadis, y doctorá en Estudios Ingleses Avanzados (Estudius Ingresis Alantráus). Además de la lengua oficial, palra inglés, francés, italianu y coreanu.

Perteneci a la asociación cultural Avatar’s y al Foro por la Memoria (Foru pola Mimoria). Entri otrus escritu, escribi nel blog “Farinatos por la Memoria”, además d’habel escritu angunus escritus d’investigación pa una revista coreana.

José Benito Mateos Pascual (PREPAL)

José Benito Mateos Pascual
(PREPAL)

Con 41 añus, vivi en Peñaparda y es hiju, nietu, bisnietu, tataranietu,... de rebollanus, prencipalmenti de Peñaparda (láu de la madri) y Villarrubias (láu del padri). Está dipromáu en Ciencias Empresariales (Ciencias Empresarialis). Además de la lengua oficial, palra leonés (nel mó y manera d’El Rebollal, la palra d’El Rebollal), y algu d’inglés y francés. Es, tamborileru, etnógrafu y escritol, con dos librus pubricáus: “Breve descripción de Peñaparda” (2002) y “El corral los mis agüelus” (2004). Tieni tamién angunus cuentus en “la palra” y ha dáu muchas chalras alreol de la palra d’El Rebollal y de la cultura tradicional d’El Rebollal.

Perteneci a la asociación Documentación y Estudio de El Rebollar y a la asociación Ciudadanos del Reino de León (Ciudadanus El Reinu de León).

Comu tamborileru y bailaol, está en drentru los grupus folclóricus de Peñaparda, el grupu Jálama de Payu y el grupu Arcendajas.

La palra y la fala hermanás en Payu

El pasáu Sábadu 14 de Noviembri tuvu lugal en la Cabaña El Caracolito de Payu una tardi dedicá a las lenguas propias de la Sierra de Gata: "a fala" (la legua propia del Val de Xálima, el Valli de Jálama, ena provincia Cáciris), y la "palra d'El Rebollal", de la nuestra comarca d'El Rebollal.

José Francisco Antúnez (izuierda)
 y Jose Benito Mateos (derecha)

Anguna de la genti qu'estuvu ena chalra

La música y el panderu tampocu faltarun

José Francisco Antúnez Naváis jué, de la asocación "A nosa fala", jue quien chalró alreol de "a fala", que se palra enos pueblus de San Martín de Treveju, Las Eljas y Valverdi del Fresnu. José Benito Mateos Pascual, tamborileru, escritol y etnógrafu, chalró alreol de la "palra d'El Rebollal".

Dambas dos chalras juerun alreol de la hestoria lo mesmu de la fala comu de la palra, además de contal un pocu cómu son. No faltó, comu no puedi sel menus, el pedil que las alministracionis (ayuntamientus, diputacionis,...) pongan más medius y voluntá de la su parti pa defendel esta riqueza cultural. Tamién se pidió que dambas dos lenguas las apriendan los dagalis en las escuelas, y que tóas las callis, caminus y cartelis de los pueblus estén señaláus, tamién en las palras localis. Hogañu, n'El Rebollal, ná más Robrea tieni los nombris de las callis en la "palra d'El Rebollal", y Peñaparda tieni señaláus angunus caminus.

En la chalra estuvun alreol de 30 presonas, que pudun preguntal y chalral tamién. Angunus de los qu'estuvun vinun dendi las provincias de Zamora y León.

En los periódicus d'interné tamién han publicáu alrel de estas chalras. estus son los enlacis con las noticias:

     - CIUDADRODRIGO AL DÍA: La "palra d'El Rebollal", protagonista en unas charlas sobre las lenguas propias
     - ENCIUDADRODRIGO.COM: Las lenguas autóctonas de la Sierra de Gata, a debate en El Payo
     - SALAMANCA24HORAS: Chalra sobre las lenguas propias utilizadas en la comarca de El Rebollar

Resultáus de las Eleicionis n'El Rebollal

Asina han quedáu los votus n’El Rebollal n’estas Eleicionis Generalis del 20 de Noviembri.

CONGRESU

	Navafrías	Payu	Peñaparda	Robrea	Villarrubias	TOTAL
PP	203 (57,50%)	150 (55,14%)	163 (59,48%)	203 (53,14%)	129 (76,89%)	848 (57,18%)
PSOE	136 (38,52%)	107 (39,33%)	100 (36,49%)	144 (37,69%)	58 (30,52%)	545 (36,75%)
IU	8 (2,26%)	6 (2,20%)	5 (1,82%)	17 (4,45%)	1 (0,52%)	37 (2,49%)
UPyD	5 (1,41%)	6 (2,20%)	0	12 (3,14%)	0	23 (1,55%)
EQUO	0	1 (0,36%)	0	1 (0,26%)	0	2 (0,13%)
PREPAL	0	0	2 (0,72%)	2 (0,52%)	0	4 (0,27%)
PACMA	0	0	2 (0,72%)	0	0	2 (0,13%)
Eb	1 (0,28%)	0	0	0	0	1 (0,07%)
H.D.	0	0	0	1 (0,26%)	0	1 (0,07%)
Brancus	0	2 (0,74%)	2 (0,73%)	2 (0,52%)	2 (1,05%)	8 (0,54%)
Nulus	7 (1,94%)	3 (1,09%)	1 (0,36%)	1 (0,26%)	0	12 (0,81%)
TOTAL	360	275	275	383	190	1.483

SENÁU

	Navafrías	Payu	Peñaparda	Robrea	Villarrubias	TOTAL
Isabel Jiménez García (PP)	204	145	160	189	124	822
Julián Lanzarote Sastre (PP)	194	144	160	193	120	811
José Muñoz Martín    (PP)	200	145	160	192	121	818
Elena Diego Castellanos (PSOE)	112	43	98	135	59	447
José Manuel Mangas Tamames (PSOE)	131	118	98	139	59	545
Josefa Mena Martín (PSOE)	108	41	96	130	57	432
Asunción Barandiarán Múgica (IU)	9	4	6	15	1	35
Javier Infante Miguel-Motta (IU)	6	3	4	9	0	22
Pedro Vez Luque         (IU)	5	2	3	8	0	18
Consuelo Natividad Rodríguez Marcos (UPyD)	5	2	0	9	2	18
Marta Benito Sardiña (Eb)	4	0	0	0	0	4
José Martínez Díaz     (Eb)	2	0	0	0	0	2
María Victoria García Crisolino (Eb)	2	0	0	0	0	2
Juan Manuel Andrés López (PREPAL)	0	0	2	2	0	4
José Benito Mateos Pascual (PREPAL)	0	24	2	11	6	43
María Jesús Villafranca Iglesias (PREPAL)	0	0	2	2	0	4
Marta Barragués Tapia (PACMA)	0	0	0	0	0	0
Ángel Gamazo Largo (EQUO)	1	0	0	2	0	3
Marta Santos Ballesteros (EQUO)	0	0	0	0	0	0
María Yolanda Pérez Revuelta (EQUO)	0	0	0	0	0	0
Carlos Cáceres Gozalo (U.C.E)	0	1	0	2	0	3
Brancus	6	5	3	19	7	40
Nulus	9	5	6	9	0	29
TOTAL	360	276	274	382	190	1.482

 Los nuestrus candidatus (metíus nel PREPAL) han sacáu, nel total de la provincia, estus votus:

-          -  María Isabel Rodríguez Mateos (númeru 2 ena lista del PREPAL al Congresu): 399

-           - José Benito Mateos Pascual (candidatu al Senáu): 729

-           - Patricia Santamaría Hernández iba de suprenti de Juan Manuel Andrés López, que ha sacáu 1.127 votus