El Rebollal, en drentru las propuestas de la UPL pa los Votus del 10-N

La nuestra comarca d'El Rebollal estará presenti enos Votus del 10 de Noviembri tamién enas propuestas de los partíus, esta vés de la manu de la UPL (Uñión el Pueblu Lliones).

Cartelinu de los caminus de Robrea

Y es que son varias las propuestas enas que la nuestra comarca d'El Rebollal sali mentáu y beneficiáu. Entre las más emportantis, UPL pidi una salía de la autovía a la carretera C-526 (Ciarrodrigu-Coria), pa que la nuestra genti no tenga de pasal pol metá Ciarrodrigu pa il a Salamanca.

Otra de las propuestas de la UPL que sería güena pa la nuestra tierra es la de jadel un hospital comarcal en Ciarrodrigu. Y es que, agora mesmu, tólus pueblus d'El Rebollal estamus a más de 100 km del hospital que mos toca, el de Salamanca.

Por último, nel apartáu de "Cultura", la UPL mienta la defensa de la nuestra palra d'El Rebollal, el nuestru mó y manera d'ussal la lengua leonesa.

Asina, la nuestra comarca d'El Rebollal estará presenti en los votus del 10-N d'un mó y manera dobri: pol mé el José Benito Mateos Pascual "TXEBE", candidatu al Senáu pola UPL, y polas propuestas que tienin de vel con la nuestra tierra, tamién de la UPL.

Dibuju de la UPL

José Benito Mateos Pascual
candidatu al Senáu pola UPL

El Rebollal estará presenti en los Votus al Senáu

José Benito Mateos,
candidatu al Senáu por UPL

La comarca d'El Rebollal golverá a estal presenti en los Votus pa'l Senáu en estus Votus del 10 de Noviembri.

Dibuju de la UPL

La nuestra comarca d'El Rebollal estará presenti pol mé José Benito Mateos Pascual "Txebe" (o sea, esti que vos escribi), tamborileru de Peñaparda y Villarrubias, escritol, amanti de las tradicionis d'El Rebollal y defensol de la nuestra palra d'El Rebollal.

José Benito está en drentru las listas al Senáu de la UPL (Uñión el Pueblu Llionés).

Las listas al Senáu son abiertas o, lo que es lo mesmu, si se quieri se puedin votal a a diferentis candidatus de diferentis partíus.

Afecha, en Villarrubias, la taberna de la Tere

La taberna y el comerciu de la Tere

Villarrubias se quéa sin una de las sus tabernas de siempri. Y es que, el 30 de Setiembri, afechó la sus puertas el bar de la Tere de Másimu, dispués de más de 60 añus abiertu (pos ya lo tenían abiertu los sus padris).

Se da el casu de que, además, al láu la taberna la Tere tenía tamién comerciu asina que, al entral en la retreta, además de afechal el bar tamién afechó el comerciu, con lo que Villarrubias se quéa sin ningún comerciu puru. Comu tabernas, sí que quéan abiertas "La Mina" (taberna y restauranti) y el "Bar Cristi" (antigua taberna de Milianu, que además vendi el pan y el tabacu).

Villarrubias siguió fiel a Santu Ferinu

Incierru a caballu del domingu 25

Levantamientu el Pinu

El pueblu de Villarrubias no dejó passal de largu las sus fiestas de Santu Ferinu (26 d'Agostu). Asina, dendi'l martis 20 jasta'l lunis 26 d'Agostu, los mangurrinus (y los sus vedinus de los demás pueblus d'El Rebollal) pudun disfrutal de las fiestas que le idin adiós al Veranu.

En Villarrubias tuvun esus días magia, juegus pa los dagalis y, comu no puedi sel menus, el tradicional levantamientu el Pinu polus quintus (con la compaña de música de gaita y tamboril), incierrus a caballu, capeas, verbenas y la misa al Santu.

En metá las fiestas, las gentis de Villarrubias tuvun la su comía nel Riufríu, qu'esti añu muó la paella por carni guisá con patatis en cachuelus.

NOTA: afotu del incierru a caballu emprestá por Mª Antonia Pascual

Comiendu en Riufríu

Carni con patatis

La Sartén Charra de Payu se jidu internacional

Pasacallis

El pasáu 3 d'Agostu del 2019 (sábadu), el pueblu de Payu jidu el su festival folclóricu, la "Sartén Charra", organizáu por el grupu del lugal, el grupu "Jálama".

Grupu Jálama bailandu

La Sartén Charra d'esti añu tuvu, ademas del grupu "Jálama" de Payu y a Berna Pérez (Cabrerizus), a Juanan (Ciarrodrigu, premiu MT 2019), al grupu folclóricu de Villamiel (Cáciris) y, por primera vés, un grupu veníu dendi el país vedinu, Portugal, dendi vinun los del grupu de Sabugal (lugal que jué del Reinu de Llión jasta finalis el sigru XIII).

Grupu "Jálama" de Payu

No faltarun, en drentru el Festival, el tradicional pasacallis polas callis del lugal, los tenderilis d'artesanía y la genti de Payu, que siempri enllena la Praza pa vel los bailis de los grupus.

Esti añu, la "Sartén d'Honol" ha síu pa Hipólito Martín Vicente, "Poli", unu de los bailaoris el grupu "Jalama".

Berna, Marta y Sergio

La Sartén Charra 2019 acabó con el conciertu del grupu estremeñu "Anhinojo Folk", que vinun dendi'l pueblu d'Hinojal (Cáciris), conciertu nel que participó "Txebe", el tamborileru el grupu Jálama.

Berna Pérez al tamboril

Un añu más, mostrandu el su compromisu con la nuestra cultura, los cartelis del festival folclóricu estuvun escritus tamién en la nuestra palra d'El Rebollal, el mó y manera que tenemus n'El Rebollal d'ussal la lengua leonesa.

NOTA: afotus de Rubén Mateos y José Benito Mateos

"Poli", Sartén d'Honol 2019

Grupu de Villamiel bailandu

Grupu de Villamiel (Cáciris)

Juanan (Ciarrodrigu)

Grupu de Sabugal

Músicus del grupu de Sabugal

La genti de Payu no faltó

Gruu "Anhinojo Folk"

"Txebe" tocandu con los "Anhinojo"

El cartel, tamién en la nuestra
palra d'El Rebollal

El Tiu Inaciu, de Villarrubias, jidu los 100 añus

El pasáu 31 de Juliu de 2019, el Tiu Inaciu, de Villarrubias, jidu los 100 añus.

El Tiu Inaciu con la su familia

El Tiu Inaciu jué unu de los últimus hombris d'El Rebollal en il al frenti ena Guerra Civil. Hogañu ena Residencia de Peñaparda, celebró el sú cabudañu con la compaña de la su familia.

Tampocu no está sólu en éstu de sel centenariu ya que, tamién ena Residencia de Peñaparda, la Tia Antonia, natural de Navafrías, tamién jidu esti Tardíu los 100 añus.

Robrea jidu la Fiesta de la Mancomunidá

Cuartu de Robrea

El pasáu domingu, 28 de Juliu de 2019, el pueblu de Robrea jidu la Fiesta de la Mancomunidá, que tólus añus se jadi en unu de los pueblus qu'están en drentru la Mancomunidad Alto Águeda (Mancomunidá Altu Águeda). Esti añu, en drentru la fiesta, jué la XVII Feria d'Artesanía y de Negocius, y la X Muestra de Ganáu.

Tenderil de mantas de Bodón

La Fiesta la Mancomunidá apencipió al meyudía el domingu, con la chalra los alcaldis y el presidenti la Mancomunidá pa seguil, adispués, con la Feria d'Artesanía y la Muestra de Ganáu, qu'estuvun tó'l día. Tamién a la mañana, el grupu "El Fandangu" de Robrea jidu una muestra de los sus bailis y los sus sonis tradicinalis.

Tenderilis ena Calli Larga

Ya a la tardi, además de juegus pa los dagalis y un burru-taxi, tampocu no faltarun los bailis, esta vés pol mé el grupu de Torrejoncillu (Cáciris), que afechó el día de fiesta con los sus bailis.

Tamién se pudun vel angunas muestras, comu la de trajis de charru nel bar de la Encarni, o la muestra d'afotus antiguas y del trabaju del bercéu, nel salón el Cuartu.

Pa'l sotru añu la Fiesta la Mancomunidá se jadrá nel pueblu de Saúgu, pueblu vedinu d'El Rebollal.

Puestu de cosas jechas con barru

Muestra de trajis de charru

Gorra y otras cosinas jechas de bercéu

Muestra de ganáu

Grupu de Torrejoncillu

Muestra d'afotus antiguas

Genti viendu los bailis estremeñus
ena Praza la Costitución