El mes de Diciembri el últimu del Tardíu, mos ha dáu la bienvenía con el tiempu más fríu jasta hogañu. Un Tardíu que, encima, no mos truju a'l Rebollal las lluvias qu'esperabamus con tanta ansia, en siendu el Tardíu más secu que se reuerda.
En cuantis al fríu, los primerus días y, más que ná, las primeras nochis, han síu los más fríus. En Navafrías, la estación ha arrecogíu jasta -8ºC (ochu gráus pol baju el ceru) el día 2 de Diciembri.
Juera el tiempu "oficial", hai genti que conos termómetrus los sus cochis ha llegáu a tomal jasta -16ºC (dieciséis gráus pol baju el ceru).
Asina, el Tardíu se apencipia a despedil con muchu fríu, en dejándomus pensandu en qué mos traerá el Inviernu.
No hay comentarios:
Publicar un comentario