 |
| Procesión cona Virgin |
La primera representación jué el pasáu 13 d'Agostu, lunis, nel pabellón de Robrea. Jué tanta la genti que jué a vela que muchus de los que s'arrimarun a Robrea no pudun entral nel pabellón (entri ellus, esti qu'escribi estas palabrinas).
La segunda representación jué hai unus días, el sábadu 20 d'Otubri, nel Teatru de Ciarrodrigu (d'andi son las afotus). Otra vés, hubu mucha genti viendu lo que, encima el tabráu jadían los miembrus el grupu. Las comedias gustarun muchu, y la genti salió mú contenta el Teatru.
 |
| Lavandu nel regatu |
 |
| Bailandu ena matancia |
Las comedias se jadin en sieti partis, que jadin un recorríu polas tradicionis de Robrea, dendi el ofretoriu a la Virgin el Rosariu jasta las bóas, pasandu por el laval la ropa nel regatu, la ronda, los ratus de los hombris ena taberna, la siega o la matancia, ussandu pa ellu los bailis tradicionalis de Robrea y la palra d'El Rebollal en las chalras de los personajis.
El grupu "Raícis del Águeda" está jechu con gentis, además de Robrea, d'otrus pueblus comu Payu y Guinaldu. Anque no han confirmáu si van a jadel las comedias en más lugaris, es algu que, de seguru, puéa sel n'un tiempu no mú lejotis.
Bamus a vel dagal: sabís que algunus desti grupu platicamus y dibulgamus to lo que se pué, la nuestra palra'. Y si mos himus metiu en esti embolau bien ha siu pol ponel nuestru granitu de arena y que se dibulguin las nuestras tradiciones.
ResponderEliminarYa lo sé, compañeru. Y jadéis mú bien. A nusotrus nos gustó muchu, y tóa la genti qu'estuvu tamién lo idía, que le había gustáu muchu. Lo jidísteis mú bien :-)
Eliminar¡A seguil asina! :-)