 |
| Luminaria en Peñaparda |
Asina, la nochi'l sábadu 20 d'Eneru se jidu la milenaria tradición de la Luminaria, el fuegu que, lo mesmu que los capazus y fogueras de los Sanjuanis, espantan los malis, comu idi esta poesía que jidi hai unus añus esprés pa celebral esti día (tamién jecha toná):
Luminaria de San sebastián
que ya ardis nel lugal.
Ardi bien juerti, ardi bien altu,
lleva lejotis todu lo malu. (BIS)
Luminaria de San Sebastián,
que ardistis, ardis y arderás.
Ardi bien juerti, damus calol,
lo vieju, lo malu, ya s'acabó.(BIS)
que ya ardis nel lugal.
Ardi bien juerti, ardi bien altu,
lleva lejotis todu lo malu. (BIS)
Luminaria de San Sebastián,
que ardistis, ardis y arderás.
Ardi bien juerti, damus calol,
lo vieju, lo malu, ya s'acabó.(BIS)
Tampocu no faltó la música de gaita y tamboril, jecha pol José Benito Mateos "Txebe", tamborileru del lugal (esti que vos escribi).
Al sotru día (domingu 21), en lo que ya s'ha jechu una nueva tradición, el borraju la Luminaria sirvió pa seguil la fiesta, en la que no faltó la genti asandu carni. Asina, San Sebastián se despidió jasta'l sotru añu.
 |
| La genti alreol la Luminaria, en Peñaparda |
 |
| Aprovechandu'l borraju la Luminaria |
 |
| La fiesta siguó'l domingu |
No hay comentarios:
Publicar un comentario