El Rebollal, pol baju los 2.000 habitantis

La comarca d'El Rebollal lo ha vueltu a jadel. Si ya el Padrón el añu 2016 dejaba a la comarca al renti los 2.000 habitantis, esta vés los pueblus d'El Rebollal han batíu la su peol marca d'habitantis, bajandu jasta los 1.976 que, anque pareza un añu, es el númeru de presonas que, sigún el INE (Istitutu Nacional d'Estadística), vivimus ena comarca d'El Rebollal a día 1 d'Eneru el añu 2017.

Una de las muchas cassas esbarrungás d'El Rebollal

El pueblu que peol ha pasáu el añu ha síu Payu, que ha perdíu 21 habitantis, pasandu de los 375 (añu 2016) a los 354 el añu 2017. Los que menus han perdíu han síu Navafrías y Peñaparda, qu'han bajáu en 1 presona. Entri tólus pueblus d'El Rebollal, himus perdíu un total de 41 habitantis.

Conus númerus d'Eneru el 2017, el pueblu con más genti d'El Rebollal es Robrea, con 503 habitantis, mientris qu'el pueblu nel que menus genti vivi es Villarrubias, con 281.

Los númerus pa los cincu pueblus d'El Rebollal son éstus:

	2016	2017	DIFERENCIA
Navafrías	470	469	-1
Payu	375	354	-21
Peñaparda	370	369	-1
Robrea	513	503	-10
Villarrubias	289	281	-8
TOTAL	2.017	1.976	-41