5 ene. 2012

Los villancicus se golvierun a oyel n'El Rebollal

El II Festivalín de Villancicus golvió a lleval villancicus tradicionalis a las callis d'El Rebollal esti miércolis 4 d'eneru. Esti II Festival, organizáu por el grupu "CHABARCONIS D'EL REBOLLAL", se jidu en Robrea, y en él se pudun oyel los villancicus cantáus por 6 grupus de la provincia de Salamanca.

El primel grupu jué el de los "DAGALIS DE PAYU", los más nuevus del grupu "Jálama" de Payu que era la primera vés que cantaban. Dispués vinun "LOS MOZOS DE LA RONDA", un tríu qu'esa tardi juerun ná más que dos porque unu de los sus mozus estaba de matancia. El grupu que más genti truju, y tamién el que más villancicus cantó, jué "EL CHARAÍZ REDONDO" de Guinaldu, qu'ussarun dendi panderatas, gaita y tamboril jasta cántarus pa jadeli compaña a las vocis. No podía faltal nel festival el grupu "EL FANDANGU", del mesmu Robrea, que anque le faltaba genti tamién se quisu uñil a la fiesta con un villancicu. De Vitigudinu vinu una parti del grupu "ALDABA", que cantó, entri otrus villancicus, el conocíu "Los Charafallos", de la su zona. Pa acabal, el grupu "CHABARCONIS D'EL REBOLLAL", qu'organizó el festival,  acabó el festival con un villancicu asturianu, el "Aguilandu Las Murias", que José Benito Mateos, "TXEBE", dedicó a la su vecina, la Tia Gora de Peñaparda (que jidu los añus esi día) y el "Alegría, alegría", unu de los villancicus más cantáus n'El Rebollal.

Juera del programa estuvu tamién Sergio Montero, "El Manterito", tamborileru de Bodón, que s'acercó dendi'l su pueblu a vel es festival y acabó tocandu angún qu'otru villanaicu.

Dispués los villancicus, no faltarun los bailis tradicionalis de la provincia de Salamanca, "tarea" a la que los diferentis grupus se apricarun con gustu.

El Festival, presentáu por Sofía, del grupu "CHABARCONIS D'EL REBOLLAL", jué nel Ginasiu del lugal, cedíu por el Ayuntamientu de Robrea pa jadel el festival.

Sergio, tamborileru de Bodón

Aldaba, de Vitigudinu

Chabarconis d'El Rebollal

El Charaíz Redondo, de Guinaldu

Los Dagalis de Payu

El Fandangu, de Robrea

Los mozos de la ronda

Sofía, del grupu Chabarconis d'El Rebollal, presentandu el Festival

2 comentarios:

  1. Buenos dias. No puedo acceder a tu correo electrónico y por eso me pongo en contacto contigo de esta manera.
    Antes de nada decirte que ya he agregado el enlace a tu blog en mi web:

    http://webdefloren.es.tl/WEBS%20AMIGAS/kat-2.htm

    Aunque no pertenezcamos a la comarca del Rebollar nos sentimos muy cerca de ella.

    Te doy la enorabuena por tu labor. Gracias.

    ResponderEliminar
  2. Esti CHEVI es que no para el jodiu. Si no es en Peñaparda es en Villas u en Roblea. La cosa es promocional y difundil las tradicionis del Rebollal.!Ala ala! sigui asi dagal que sino estu se mueri.

    ResponderEliminar