15 sept 2017

Las bicis jidun la su "fiesta" en Peñaparda

Las callis de Peñaparda se golvierun a enllenal de bicis el pasáu domingu, 13 d'Agostu del 2017.

Y es qu'esi domingu se jidu, con principiu y fin en Peñaparda, la VIII carrera de bicis "La Villa", jecha por el equipu de bicis del lugal, el C.D. El Charaíl.

Esperandu la salía
Los alreol de 60 correoris salierun dendi la Praza Mayol y, en corriendu los caminus d'El Rebollal y alreoris, golvierun a llegal al puntu d'andi salierun, la mesma Praza de Peñaparda. Los bicicristas pudun escogel entri dos recorríus, unu cortu (33 km) y otru largu (43 km).

El cuerti de la cinta ena salía lo jidu esti añu José Benito Mateos, "TXEBE", tamborileru del lugal (o sea, esti que vos escribi estas rayinas).


Bicicristas polas callis de Peñaparda

1 comentario:

  1. Muchas gracias José Benito por la pequeña crónica y por supuesto por colaborar todos los años con nosotros este año además por cortar la cinta en la salida. Un abrazo...

    ResponderEliminar