El pueblu de
Peñaparda golvió a dal la
bienvenía al Veranu conas sus fiestas en honol a
San Silveriu (20 de Juniu).
 |
| El Pinu llegandu a Peñaparda |
Las fiestas apencipiarun el
viernis 15 de Juniu, cuandu los quintus trujun y pusun
El Pinu, nel jechu más
tradicional de tóas las fiestas. Anque jué a la mesma vés qu'el partíu de fútbul el Mundial entri España y Portugal, jué mucha la genti qu'estuvu n'El Pinu. Esa mesma nochi sonó la música los añus 80 pol m'la grupu
"Distrito Pop", n'un conciertu qu'estaba programáu a las 11 la nochi y apencipió cuasi a la 1 la madrugá, lo que jidu que mucha genti se juesi pa casa antis d'apencipial a sonal la música.
Ya el
sábadu 16, las fiestas siguierun con el "crásicu" d'
incierru,
capea y
verbena, esta última con el grupu
"Max Music Show".
 |
| El Pinu |
El
domingu 17 queó libri la nochi, ocupandu el día la pareja
incierru-capea.
El
miércolis 20 de Juniu jué el últimu día las fiestas, el día el Santu, y apencipió cona
misa y la
procesión en honol a
San Silveriu. Ya a la tardi, estuvun ena Praza los
juegus pa los dagalis. P'acabal, hubu música de
copra y framencu con sonis cantáus por
"Sarabel", conciertu qu'estaba pensáu ena Praza, al final tuvun de jadelu enas escuelas, nel centru cultural, pol mé de que se barruntaba tormenta.
Asina llegó'l
Solsticiu de Veranu y los peñaparderus dierun la bienvenía al Veranu, en unas fiestas de
San Silveriu que tampocu no quiju perdelsi el
calol, pos esus días juerun los de más calol de tó'l añu.
 |
| Grupu "Distrito Pop" |
 |
| Incierru el sábadu |
 |
| Capea el sábadu |
 |
| El charail tamién estuvu presenti |
 |
| Grupu "Max Music Show" |
 |
| Incierru el domingu |
 |
| San Silveriu polas callis de Peñaparda |
 |
| Juegus pa los dagalis |
No hay comentarios:
Publicar un comentario