Los peñaparderus, sieti días sin Movistar

El pueblu de Peñaparda ha estáu, n'un tiempu de pocu más de quinci días, más de sieti sin podel ussal los teléfonus móvilis y el interné de la compaña Movistar.

Aparatu d'interné en coloráu

En total, han síu más de sieti días, desapartáus en dos vecis. La primera, y más larga, jué dendi primera hora el miércolis 23 de Mayu jasta la tardi el lunis 28 de Mayu d'esti añu 2018. Tan largu jué el tiempu sin serviciu que llegó a sel noticia pol mé la denuncia jecha por el Colectivo Ciudadanos del Reino de León (CCRL, Grupu Ciudadanus el Reinu de Llión). La segunda, dendi la mañana el juevis 7 de Juniu jasta'l la mañana sábadu 9 de Juniu.

Han síu muchus los qu'ussan Movistar qu'esus días no pudun jadelu. Además de mucha genti enas sus cassas, lugaris púbricus comu'l Cuartu, la Residencia o la Caja estuvun tós esus días sin podel ussal los servicius del interné.